AZ
RU
KİV: Şimali Koreya hərbçiləri yanvarın ortalarından Kurskda döyüşlərdə iştirak etmir
“Şimali Koreya qoşunları yanvarın ortalarından cəbhə xəttindəki Kursk bölgəsində döyüşlərdə iştirak etmirlər”.
Yenixeber.org-un məlumatına görə, bu barədə Cənubi Koreyanın Milli Kəşfiyyat İdarəsi məlumat yayıb.
"Yanvarın ortalarından bəri Kursk bölgəsinə yerləşdirilən Şimali Koreya qoşunlarının döyüşlərdə iştirak etdiyini göstərən heç bir əlamət yoxdur”, - məlumatda qeyd edilib.
Bunun səbəblərindən birinin ağır itkilər olduğu bildirilib və əlavə edilib ki, dəqiq səbəbi müəyyən etmək üçün səylər davam edir.
Məlumatda "The New York Times"ın Şimali Koreya əsgərlərinin yanvarın ortalarında ağır itkilər səbəbindən cəbhə xəttindən çıxarıldığı da təsdiqlənib.
