AZ
RU
Rusiya Prezidenti Vladimir Putinlə Türkiyə Prezidenti Rəcəb Tayyib Ərdoğan arasında telefon danışığı olub.
Yenixeber.org: Bu barədə Kreml məlumat yayıb.
Ərdoğan telefon danışığı zamanı Vladimir Putini ad günü münasibətilə təbrik edib.
Liderlər Rusiya-Türkiyə münasibətlərinin konstruktiv xarakterindən məmnun olduqlarını və bundan sonra da sıx əməkdaşlığa hazır olduqlarını bildiriblər. Bir çox aktual ikitərəfli və beynəlxalq məsələlər, o cümlədən Yaxın Şərqdəki hadisələr müzakirə edilib.
Qeyd olunub ki, Kazanda keçirilən BRİCS sammiti zamanı Vladimir Putin və Rəcəb Tayyib Ərdoğan arasında ayrıca görüşün keçirilməsi barədə razılığa gəlinib.
