5 iyul 2023-cü il tarixdə saat 15:00-da Azərbaycan Milli Elmlər Akademiyasının Mərkəzi Elmi Kitabxanasında Mədəniyyət Nazirliyi Respublika Xatirə Kitabı ilə “Bakı-xəbər” qəzetinin birgə layihəsi əsasında Şəmkir rayonunun Yeniabad kəndində doğulmuş, əslən Dərələyəz mahalınını Ələyəz kəndindən olan Cavid və Çingiz Məmmədov qardaşlarının həyatı, keçdiyi döyüş yolundan bəhs edən “Şəhid qardaşlar” kitabının təqdimat mərasimi keçirildi.

Yenixeber.org:  Əvvəlcə Azərbaycanın ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edildi. Çıxış edənlər 44 günlük Vətən müharibəsində şücaət göstərmiş şəxslərin cəsarətindən, Vətən sevgisindən, ümumilikdə, əsl vətəndaş ola bilmələrindən geniş bəhs etdilər, “Şəhid qardaşlar” kitabının mahiyyətindən, kitabın əsas obrazları olan şəmkirli igidlər – Cavid və Çingiz Məmmədovların şərəfli həyat və döyüş yolundan danışdılar.
Tədbirin sonunda Vətən müharibəsi qəhrəmanlarının fədakarlığını əks etdirən film nümayiş olundu.