AZ
RU
London kilsəsi qarşısında atışma:şübhəli şəxs həbs olundu
Londonun mərkəzində baş verən atışmada iki uşaq və dörd qadın yaralanıb.
“Yenixeber.org” euronews-a istinadən məlumat verir ki, ən ağır xəsarətləri yeddi yaşlı qız alıb, onun həyat üçün təhlükə hələ də qalmaqdadır.
Şübhəli şəxs bazar günü axşam saatlarında həbs edilib. Polis ictimaiyyəti istintaqa kömək etməyə çağırıb.
“Hadisənin şahidi olan və ya bu barədə bilgisi olan hər kəsdən məlumat almaq istəyirik. Sizə nə qədər əhəmiyyətsiz görünsə də, bu həyati əhəmiyyət kəsb edə bilər” – deyə, London polisi Jack Rowlands bildirib.
Polisin məlumatına görə, atəş açan şəxs Yuston bölgəsindəki katolik kilsəsinin yaxınlığından keçən avtomobildən atəş açıb. Həmin vaxt orada 300-dən çox insanın iştirak etdiyi anım mərasimi yenicə başa çatırdı.
