AZ
RU
ABŞ bu türk vətəndaşlarına sanksiya tətbiq edib - "Yalnışlıq olub..."
ABŞ hökuməti İŞİD terror təşkilatına maliyyə logistik dəstək vermək ittihamı ilə 2 Türkiyə vətəndaşına sanksiya tətbiq edib.
Yenixeber.org: Ahmet Bayaltun və qardaşı oğlu İsmayıl Bayaltun ad qarışıqlığı səbəbilə 2019-cu ilin 18 noyabrında ABŞ Maliyyə Nazirliyinin Xarici Varlıqlara Nəzarət Bürosunun (OFAC) sanksiya siyahısına daxil olublar.
Şanlıurfada yaşayan və ticarətlə məşğul olan Ahmet və qardaşı oğlu İŞİD-i dəstəklədikləri üçün bu şəhərdəki 2-ci Ağır Cinayətlər Məhkəməsində mühakimə olunan iki qardaş - Ahmet və İsmail Bayaltunla qarışdırılıb.
Çindən mobil telefon aksesuarları gətirməklə məşğul olan Ahmet və qardaşı oğlu bu səhv ucbatından təxminən 1 ildən çoxdur ki, ABŞ-ın sanksiyalarının qurbanıdır.
Qarışıqlığı aradan qaldırmaq üçün ABŞ-a gedən türkiyəli vəkil Halil Uzun verdiyi açıqlamada bu səhvi düzəltdirmək üçün lazım olan sənədləri ABŞ Maliyyə Nazirliyinin Xarici Varlıqlara Nəzarət Bürosuna təqdim etdiyini söyləyib.
Vəkil Halil Uzun Ahmet Bayaltun və qardaşı oğlu İsmayıl Bayaltunun bu səhv səbəbindən banklarla ciddi problemlər yaşadığını, onların fəaliyyətinin ciddi şəkildə məhdudlaşdırıldığını və ticarət fəaliyyətlərinin alt-üst olduğunu bildirib.
