AZ
RU
Türk qırıcıları Pakistan səmasında -VİDEO
Pakistan Milli Günü çərçivəsində martın 23-də keçirilməsi planlaşdırılan, lakin hava şəraiti səbəbindən təxirə salınan hərbi parad dünən keçirilib.
Yenixeber.org: İslamabada baş tutan parada Pakistan Prezidenti Arif Alvi, Quru Qoşunları Komandiri Kamar Cavid Bacva, nazirlər və nazir müavinləri, xarici təşkilatların nümayəndələri, diplomatlar və vətəndaşlar qatılıblar.
Pakistan əsgərlərinin yürüş gerçəkləşdirdiyi mərasimdə tanklar, radarlar, hava hücumundan müdafiə sistemləri və ballistik raketlər nümayiş olunub. Vertolyotlar və döyüş təyyarələri mərasim keçirilən ərazidən keçid ediblər.
Digər tərəfdən, Türkiyə Milli Müdafiə Nazirliyi Hava Qüvvələri Komandanlığının "SOLOTÜRK" heyətinin nümayiş uçuşu və Mehtərin "Dil Dil Pakistan, Can Can Pakistan" marşı izləyənlər tərəfindən böyük coşqu ilə qarşılanıb.
Mərasimin sonunda Pakistanın müxtəlif əyalətlərindən gələn rəqs qrupları da çıxış ediblər.
