AZ
RU
Putinin Uzaq Şərq layihəsi nəyə xidmət edir? -ŞƏRH
"Putinin bu ideyası da "ölü doğulmuş uşaq”dır”.
Yenixeber.org: Bunu politoloq Qabil Hüseynli Şimali Koreya və Vyetnama səfər edən Rusiya prezidentinin Uzaq Şərqin bəzi ölkələrindən ibarət olmaqla NATO-ya alternativ hərbi blok yaratmaq niyyətini şərh edərkən deyib.
Qabil Hüseynli bildirib ki, bu, çox çətin həyata keçəcək bir ideyadır:
”Onun reallaşması üçün ən azı 2-3 il zaman lazımdır. Bu müddət ərzində Putinin siyasi karyerasının, habelə Rusiyanın özünün necə olacağı barədə bəzi fikirlər söyləmək mümkün olacaq. Bu müddət ərzində Putin vəfat edə, Rusiya Ukrayna müharibəsində məğlubiyyətə uğrayıb, sıradan çıxa da bilər. İdeyanın baş icraçısı kimi, Rusiya prosesdə aktiv roldan məhrum ola bilər”.
Ekspertə görə, Pekinin özü hiyləgər addımları ilə Putinin həmin ideyasının gerçəkləşməsinə əngəl olacaq:
"Çin də bu prosesdə aktiv və hiyləgər rol oynayaraq, lazım gələndə irəli, lazım gələndə də geri çəkilməklə, bütövlükdə prosesin aktiv iştirakçısı olmayacaq. Putinin ölü doğulmuş bu ideyası ayağa durub yeriyə bilməyəcək”.
Qeyd edək ki, Rusiya prezidenti Vladimir Putin Şimali Koreyaya səfərinin ardınca Vyetnama səfər edib. Bu xüsusda fikirlər səslənir ki, Putin NATO-ya real alternativ kimi təqdim etməyə çalışa biləcəyi dövlətlərdən ibarət koalisiya yaratmaq istəyir. Bu ölkələr sırasında Rusiya ilə yanaşı, Çin, Şimali Koreya, İran, Vyetnam və bir sıra digər ölkələrin adları çəkilir.(Qaynarinfo)
Rüfət Sultan
