AZ
RU
Bu ölkə vətəndaşlara pul paylayır —Hər adama 462 avro
İspaniya əhaliyə pul paylamağı özündə ehtiva edən minimum yaşayış gəlirləri proqramına başlayıb.
Yenixeber.org: Əvvəlcə əhalinin ən həssas təbəqələrindən olan 255 min nəfər dövlət tərəfindən verilən yardımları alacaq. İlk dəstək alanların yarısı uşaqlar olacaq.
Proqram tam şəkildə işə salındıqdan sonra 850 min ev və ya 2,3 milyon insan ödəniş üçün müraciət edə bilər.
Minimum yaşayış gəliri bir ailəyə ödənilir. Bir nəfər üçün ödənişlərin miqdarı 462 avro olacaq. Ailə üzvlərinin sayının artması ilə müavinətlərin miqdarı da artacaq. Onun maksimum dəyəri ayda 1015 avro olacaq.
Qeyd edək ki, İspaniya koronavirusdan gələn iqtisadi ziyan miqyasında Avropa Birliyində lider olub. Son iki ayda təxminən 100 min İspaniya müəssisəsi iflas elan edilib. Ən pis vəziyyətə görə, 2020-ci ildə ölkənin ÜDM-i 15 faiz azala bilər.
Daha əvvəl Barselona Universitetinin tədqiqatçıları 2019-cu il mart ayında şəhər kanalizasiyalarında SARS-CoV-2 tapıblar.
.jpg)
