Mütəxəssislər RV-1 reaktorundan 13,5 kq uranı təhlükəsiz şəkildə çıxarıblar

Yenixeberorg.com: ABŞ Venesuelanın RV-1 tədqiqat reaktorunda istehsal olunmuş bütün zənginləşdirilmiş uranın çıxarılmasını başa çatdırıb. Bu barədə Milli Nüvə Təhlükəsizliyi Administrasiyası (NNSA) məlumat yayıb.

Bildirilib ki, NNSA komandası və Venesuela Elmi Tədqiqat İnstitutunun texniki mütəxəssisləri əraziyə ilk səfərlərindən altı həftədən az müddət sonra RV-1 reaktorundan 13,5 kq uranı təhlükəsiz şəkildə çıxarıblar. MAQATE ilə sıx əməkdaşlıq edən amerikalı mütəxəssislər uranı işlənmiş yanacaq çəlləyinə qablaşdırıblar.

May ayında xüsusi gəmi materialı ABŞ-a çatdırıb. Çəllək daha sonra Cənubi Karolinadakı Savanna çayı qurğusuna daşınıb. Bu qurğu radioaktiv tullantıları saxlayır, zərərsizləşdirir və təkrar emal edir.

NNSA qeyd edib ki, orada mütəxəssislər materialı emal edərək ABŞ-ın nüvə ehtiyacları üçün yüksək konsentrasiyalı aşağı zənginləşdirilmiş uran istehsal edəcəklər.