“Bu vəziyyətdən çıxmaq üçün hakimiyyət istefaya getməli, yeni hökumət yaradılmalı, Türkiyə və Azərbaycanın qarşısını almaq üçün yeni müttəfiqlik əlaqələri yaradılmalıdır”. 

Yenixeber.org: Bunu jurnalistlərlə söhbətində Fransadakı Erməni Şirkətlərinin Koordinasiya Şurasının sədri Murad Papazyan bildirib:

“Təkcə Qərb ölkələri ilə yox, Rusiya ilə münasibətləri yenidən qurmaqla bunu etmək olar. Bu, strateji prioritetdir. Ermənistanda anti-Rusiya hakimiyyətləri ola bilməz.   Bu gün xəritəyə baxsanız, görərsiniz ki, Ermənistan düşmənlərlə əhatə olunub, biz dostumuzu, tərəfdaşımızı düşmənə çevirdik”.

Papazyan qeyd edib ki, o, Ermənistanın Qərblə münasibətlərinin əleyhinə deyil, lakin Aİ Türkiyəyə Qafqaz məsələləri ilə məşğul olmaq səlahiyyəti vermək istəyəndə Türkiyənin neytral tərəfdaş olmadığı aydın olur.

“Əgər müharibə vəziyyəti olarsa, Fransa Ermənistana qoşun göndərməyəcək, hərbi əməkdaşlığı artıracaq, lakin qoşun göndərməyəcək. Ona görə də bu gün az qala düşmən olan keçmiş tərəfdaşları Qərb ölkələri, Hindistan və Çinlə əlaqələri olan tərəfdaşlara çevirmək, yetkin siyasət yürütmək lazımdır”, - deyə o vurğulayıb.