Yola saldığımız 2022-ci ildə Azərbaycanda fəaliyyət göstərən pərakəndə ticarət şəbəkələrində müştərilərə 52,2 milyard manatlıq, o cümlədən 29,4 milyard manatlıq ərzaq məhsulları, içkilər və tütün məmulatları, 22,8 milyard manatlıq qeyri-ərzaq malları satılıb.
Yenixeber.org: Pərakəndə ticarət şəbəkələrində əhalinin bir nəfəri orta hesabla ayda 431,8 manatlıq, o cümlədən 243,2 manatlıq ərzaq məhsulları, içkilər və tütün məmulatları, 188,6 manatlıq qeyri-ərzaq malları alıb.
Əhalinin ümumi xərclərinin 56,3%-i ərzaq məhsulları, içkilər və tütün məmulatlarına xərclənib.
Müqayisə üçün bildirək ki, 2021-ci ildə bu göstərici 54,3%, 2020-ci ildə 54%, 2019-cu ildə 50,7%, 2018-ci ildə 50,2%, 2017-ci ildə 50,7%, 2016-cı ildə isə 49,9% olub.
Rəqəmlərdən də göründüyü kimi, son 7 ildə əhali ərzaq məhsullarına daha çox pul xərcləməyə başlayıb. 2016-cı ildə qeyri-ərzaq mallarına daha çox pul xərcləndiyi  halda, sonrakı illərdə ərzaq məhsullarına xərclənən vəsait davamlı olaraq artmağa, qeyri-ərzaq mallarına xərclənən vəsaitin payı isə azalmağa başlayıb.