Rusiyada Federasiya Şurasının İrkutsk vilayətindən üzvüVyaçeslav Marxayev ona gizli qumarxana haqda sual verən jurnalistə hücum edib. REN TV-nin çəkiliş qrupu Marxayevin seçicilərlə görüşündən sonra ona yaxınlaşıb. Ulan-Ude şəhərində gizli kazinonu himayə etməsi barədə dolaşan şaiyələr haqda soruşub.

Yenixeber.org: Marxayev suala cavab vermək əvəzinə jurnalist Yevgeni Moqilyevskinin yaxasından yapışıb və onun mikrofon tutduğu əlini burmağa başlayıb. Senatorun köməkçiləri isə bu zaman telekanalın operatorunu itələyiblər, ona çəkili aparmağa mane olublar.

Nəticədə operator yıxılaraq xəsarət alıb, Moqilyevskinin isə əli burxulub. Jurnalistlər senatordan İstintaq Komitəsinə ərizə yazıblar.

Bundan əvvəl REN TV senator Marxayevin Ulan-Ude şəhərində gizli kazino ilə əlaqələri haqda araşdırma yayıb. Şəhər sakinləri bildiriblər ki, kazino  qeyri-rəsmi olaraq biznesmen Vyaçeslav Markova məxsusdur. Markovun arvadı isə Marxayevin qohumudur.

Marxayev Kommunist Partiyasını təmsil edir.