Rusiyanın terroru maliyyələşdirən ölkə kimi tanınması prosesi başladı

Yenixeber.org: Bu haqda tanınmış politoloq Xaqani Cəfərli özünün fb səhifəsində yazıb:

"Bir neçə saat əvvəl ABŞ Konqressinin yuxarı palatası Senatda postsovet məkanındakı prosesləri yeni istiqamətə yönəldəcək qanunvercilik aktı qəbul edilib. Senatın xarici məsələlər üzrə Komitəsi Rusiyanın terroru maliyyələşdirən ölkə olub-olmadığını müəyəyyən etmək üçün dövlət katibinə 180 gün vaxt verib.
Senatda Kolorado ştatını təmsil edən senator Kori Qardnerin irəli sürdüyü qanunvericilik təşəbbüsü “Rusiyanın terrorizm sahəsində zərərli fəaliyyətinin qarşısının alınması haqqında Akt” (Stopping Malign Activities from Russian Terrorism Act) adlanır. Əgər Rusiya qəbul olunmuş qanunvericilik aktından irəli gələn təlabata uyğun olaraq ABŞ Dövlət Departamenti tərəfindən terrorizmi maliyyələşdirən dövlət kimi tanınarsa bu postsovet məkanında bütün prosesləri 180 dərəcə əks istiqamətə dəyişəcək. Çünki, Rusiya terrorizmi maliyyələşdirən ölkə kimi tanınsa Şimal qonşumuzla istəilən əlaqə sanksiyalara məruz qalma təhlükəsi yaradacaq".