Yenixeber.org:  Səfərlə bağlı ABŞ Müharibə Araşdırmaları İnstitutu (ISW) maraqlı hesabat hazırlayıb.

İnstitutun mütəxəssisləri hesab edirlər ki, Lukaşenkonun Çinlə yaxınlaşmasının əsas səbəbi "Çinin Belarusa təsirini artırmaq və bu yolla Moskvanın təzyiqlərindən qorunmaqdır".

Bununla yanaşı, qeyd olunur ki, Lukaşenkonun Si Tsinpinlə görüşü zamanı müzakirə olunan mövzulardan biri də Çinin Belarus vasitəsilə Qərb sanksiyalarından yayınaraq Rusiyaya yardım göstərmək planıdır. Tərəflər arasında bununla bağlı bir sıra sənədlərin imzalandığı da bildirilir.

Hesabatda deyilir ki, səfər zamanı imzalanan sənədlər arasında Çinin Belarusla iqtisadi və texnoloji əlaqələrinin kəskin artırılmasına yönələn razılaşmalar xüsusi yer tutur və bu, heç də təsadüfi deyil: "Lukaşenko bu sənədləri imzalamaqla çoxdandır arzuladığı Çinin Belarusa iqtisadi təsirini artırmaq və Rusiyanın təzyiqlərindən qorunmaq istəyir".

Eyni zamanda institutun mütəxəssisləri hesab edirlər ki, Rusiyada Putin hakimiyyəti dəyişməyəcəyi təqdirdə, Lukaşenko bütün cəhdlərinə rəğmən Belarusun Rusiya tərəfindən "udulmasını" yalnız müəyyən müddətə qədər təxirə sala bilər.