AZ
RU
Çin İranın etibarlı strateji tərəfdaşıdır.
Yenixeberorg.com: Bu barədə Çinin xarici işlər naziri Van İ iranlı həmkarı Abbas Əraqçi ilə Pekində keçirilən görüş zamanı bildirib.
Nazir qeyd edib ki, Çin İranla strateji əməkdaşlığa böyük önəm verir.
“Pekin Tehranla siyasi etimadı daha da gücləndirməyə və müxtəlif sahələrdə qarşılıqlı faydalı əməkdaşlığı genişləndirməyə hazırdır”, - Van İ əlavə edib.
O, eyni zamanda, yüksək səviyyəli təmasların davam etdirilməsinin vacibliyini vurğulayıb.
Görüş zamanı nüvə məsələsinə də toxunan Çin XİN rəhbəri İranın hüquqlarını dəstəklədiklərini bildirib.
“Çin İranın nüvə silahı hazırlamaqdan imtina öhdəliyinə sadiqliyini yüksək qiymətləndirir və onun nüvə enerjisindən dinc məqsədlərlə istifadə etmək hüququnu tanıyır”, - nazir vurğulayıb.
-1644083056.jpg)
