Dünyada elan edilən pandemiya vəziyyəti ilə əlaqədar bütün ölkələrdə olduğu kimi, koronavirus təhlükəsinin qarşısını almaq məqsədilə martın 23-də Azərbaycanda da karantin rejimi elan olundu. 
Yenixeber.org: Koronavurus infeksiyasının sürətlə yayılması nəticəsində Nazirlər Kabinetinin yanında yaradılan Operatv Qərargah daha sərt tədbirlər barədə qərarlar qəbul etməyə başladı. Ölkəyə giriş-çıxış bağlandı və martın 31-də Bakı metrosunun fəaliyyəti dayandırıldı. 

Bu müddətdə bir neçə dəfə metroların açılacağı xəbəri yayılsa da, deyilənlər özünü doğrultmadı. 

Operativ Qərargahın təşkil etdiyi sonuncu mətbuat konfransında Nazirlər Kabinetinin mətbuat xidmətinin rəhbəri İbrahim Məmmədov da bu mövzuda dəqiq fikir bildirmədi: "Hər şey situasiyadan asılıdır. Amma hazırda bu məsələ müzakirə olunur. Gələn həftə belə bir qərar olacaq ya yox, bu vəziyyətdən asılıdır". 

Əldə etdiyimiz məlumata görə, artıq Bakı Metropoliteni qapılarını sərnişinlərin üzünə açmağa hazırlaşır. Bu barədə qərar qəbul olunub. Bakı metrosu mayın 9-dan fəaliyyətini bərpə etməyə hazırlaşır. 

İlk gedişdə 30 cüt qatarın xəttə buraxılacağı gözlənilir. 

Belə bir qərarın qəbul olunmasına ictimai nəqliyyatda, xüsusən şəhərdaxili avtobuslarda yaşanan sərnişin sıxlığı səbəb olub. 

Göründüyü kimi Koronavirusa yoluxanların sayında artım müşahidə olunur ki, bu vəziyyətin sərnişin sıxlığı ilə əlaqəsi var. 

Bəs metro qatarlarından necə istifadə ediləcək? Bakı Metropliten rəhbərliyi bu problemi də mayın 9-na qədər çözməyə çalışır. Çox güman metro qatarlarına minik limitlə olacaq.(rupor)