Çində son 60 ilin ən isti günləri qeydə alınıb. 

Yenixeber.org:Məlumatı Çinin Milli İqlim Mərkəzi yayıb. 

Bildirilib ki, cari il ərzində regional səviyyədə 4 dəfə isti hava qeydə alınıb, 21 dəfə ölkə səviyyəsində xəbərdarlıq elan edilib. Məlumata görə, xəbərdarlıqların 4-ü dördpilləli sistem üzrə yuxarıdan 2-ci olan “narıncı” səviyyədə olub. 

Havanın hərarətinin 35 dərəcədən yuxarı olduğu isti günlərin sayı orta hesabla 4,1 olub. Bəzi yaşayış məntəqələrində isti günlərinin sayı 10-dan da çox olub. 

Anomal isti hava ən çox Çinin şimal hissəsində yerləşən bölgələrdə, o cümlədən Hebey əyalətində müşahidə olunub. Hebeydə əyalət səviyyəsində 452 dəfə “qırmızı” səviyyədə xəbərdarlıq elan edilib. 

Bundan başqa, paytaxt Pekin və Tiencin şəhərlərində bir neçə gündür ki, anomal isti hava müşahidə olunur. Havanın hərarəti bəzən 40 dərəcəni ötüb. Ümumiyyətlə, 40 dərəcə isti hava 200 milyon insan yaşadığı bölgəni əhatə edib. 

Proqnozlara əsasən, isti hava şəraiti qarşıdakı günlərdə də davam edəcək.