Xeberinfo.com:  5-7 mart 2016-cı iltarixlərində Azərbaycan Respublikası yanında Gənclər Fondunun maliyyə dəstəyi, Azərbaycan Velosiped İdmanı Federasiyası, AEGEE-Bakı İctimai Birliyi,Təbiət Dostları İctimai Birliyi, Shark Head Velo People idman klubu, United Sport mağazalar şəbəkəsi və İDEA şirkətinin birgə təşkilatçılığı ilə gənclərarasında zərərli vərdişlərin qarşısının alınması istiqamətində bir qrup velosipedçi gənclər bütün lazımi geyim təchizatı və avadanlıqlarla təchiz olunaraq Bakı-Gəncə marşrutu üzrə 380 km-lik "Sağlam gənclik naminə”  Təbliğat Veloturu keçiriblər.

Layihənin keçirilməsində əsas məqsəd Bakıdan Gəncəyə velosiped turunu təşkil etmək, sağlam gəncliyin və velosipedlə idman növünün təbliğat kampaniyasını təşkil etməkvə Bakıdan Gəncəyə qədər olan yolda yerləşən rayon və şəhərlərdə gənclərlə görüş keçirərək bu sağlam həyat tərzini təbliğ etməkdir. Təbliğat materialları, bukletlər və məlumat kitabçaları həmin tur boyu insanlara paylanmışdır. Gəncədə isə gənclər qarşılanaraq “Gəncə 2016” ilə bağlı təqdimat keçiriblər. Layihə  Bakı - Gəncə - Göyçay - Yevlax - Mingəçevir - Ağdaş - Kürdəmir - Hacıqabul - Şirvan coğrafi ərazi üzrə həyata keçirilib.

Bildiyiniz kimi, Gəncə 2016-cı ildə Avropanın gənclik mərkəzi seçilmişdir. Beləki, 2016-cı ildə Gəncə Avropada planlaşdırılan bütün gənclərlə və gənclərin inkişafı ilə bağlı tədbirlərə ev sahibliyi edir. Bu cür böyük miqyaslarda olan proqramda Azərbaycanın ikinci ən böyük şəhərinin qalib gəlməsi çox mühüm və Gəncənin inkişfaında əvəzolunmaz bir addımdır. Bu imkandan maksimum istifadə etmək və ölkənin ən qədim şəhərlərindən birinin Avropada tanınması üçün cəmiyyətin və hökümətin bütün imkanları və iddiaları ortaya qoyulub. Lakin gənclərin müasir fəaliyyətlərə, xüsusilə regionlarda yaşayan həmyerlilərimizin Avropada yayılmış velosiped səyahətləri barədə təəssüf ki, xəbərsizdir. Təbliğatın ilk növbədə Bakıda və bilavasitə Gəncədə aparılması bu problem daha da aktual edir.

Qeyd etmək istərdim ki, Azərbaycanda velosiped hələ də aktual nəqliyyat vasitəsi kimi istifadə olunmur. Buna görə də istənilən velosiped marşrutu ətrafdakı insanlarda böyük maraq və təəccüb oyadır. Hər kəs, xüsusilə region sakinləri onlara yaxınlaşaraq məlumatlar alır və müxtəlif söhbətlər edirlər. Bu cür kreativ yolla biz gənclərin həmin turları özlərinin keçirməsinə və maraqlarının artmasına, gələn bu möhtəşəm bayramın Gəncəyə gəlməsini həmin insanlar arasında çox asanlıqla və effektiv şəkildə təbliğ edə bilərik.

Layihədə 10 nəfər gənc velosipedçi iştirak edib. Bu gənclər Shark Head Velopeople idman klubunun hazırlıqlı gəncləridir. Faydalanmış insanlar isə Bakı, Şirvan, Kürdəmir, Ağdaş, Göyçay, Yevlax, Mingəçevir və Gəncə şəhərlərində yaşayan insanlardır hansı ki, velotur marşrutuna düşən təbliğatın bir hissəsinə çevrilmişdir.