AZ
RU
Vitse-prezidentin oğlu kokainə görə ordudan qovuldu
ABŞ vitse-prezidenti Co Baydenin oğlu kokaindən istifadə etdiyinə görə Hərbi-Dəniz Qüvvələrində (HDQ) ehtiyatda xidmətdən xaric edilib.
"Xeberinfo.com": Bu barədə “Wall Street Journal” nəşri yazıb. Məlumata görə, ixtisasca hüquqşünas olan 44 yaşlı Xanter Bayden Hərbi-Dəniz Qüvvələrində ehtiyata 2013-cü ilin mayın 7-də ensin rütbəsində (ABŞ hərbi donanmasında ən kiçik zabit rütbəsi) götürülüb.
O, Virginiya ştatının Norfolk şəhərində Hərbi-Dəniz Qüvvələrinin ictimaiyyətlə əlaqələr bölməsinə təyinat alıb. Xanter Bayden xidməti yerinə gəldikdə narkotik vasitələrdən istifadə edib-etmədiyini müəyyən edən standart testdən keçirilib. Testin nəticələrinə əsasən onun qanında kokain aşkarlanıb.
Xanter Bayden ötən gün çıxışında donanmada xidmət onun üçün böyük şərəf olduğunu və Hərbi-Dəniz Qüvvələrindən xaric edilməsinə təəssüf hissi keçirdiyini bildirib (APA).
