"Sudanda qarşıdurma uzana bilər"

Yenixeber.org:  Bu sözləri ABŞ Milli Kəşfiyyatının rəhbəri Avril Haines Senatdakı çıxışı zamanı deyib. 

Xanım Haines çıxışında tərəfləri danışıqlar masasına oturmağa təşviq edəcək çox az şansın olduğunu deyib. Bundan başqa o, Sudanda qarşıdurmanın tərəfləri olan Sudan Silahlı Qüvvələrinə rəhbərlik edən Abdel Fattah al-Burhan və Çevik Dəstək Qüvvələrinin komandanı Mohamed Hamdan Dagalo üçüncü ölkələrdən dəstək istədiyini açıqlayıb.  

"Hər iki tərəf hərbi yolla qalib gələ biləcəklərinə inanır. Tərəflər qalibiyyət üçün xaricdən dəstək istəyib. Bu da münaqişəni gücləndirə və bölgədə böhranın daha da dərinləşməsinə gətirib çıxa bilər".  

ABŞ prezidenti Co Bayden isə Sudanda baş verən zorakılığı “demokratik bir hökumət üçün ölkə xalqına xəyanət”  adlandırıb. Bundan başqa Ağ Ev rəhbəri qarşıdurmada günahkar olanlarla bağlı sankisayaların tətbiqi barədə qətnamə imzaladığını deyib. Bayden sanksiyaların kimə şamil ediləcəyini tam açıqlamayıb.  

Xatırladaq ki, Sudanda münaqişənin 21-ci gündür davam edir və tərəflər bu müddət ərzində bir-birinin ardınca elan etdikləri atəşkəs qərarlarının heç birinə əməl etməyiblər. İndiyədək ölkədə, əsasən Xartum və Darfurda olmaqla 700 nəfər ölüb.