AZ
RU
Rafael Fiziyev amerikalı idmançı ilə döyüşmək niyyətindədir
Azərbaycan idmançısı Rafael Fiziyev amerikalı Castin Qeyci ilə döyüşmək niyyətindədir.
Yenixeber.org xəbər verir ki, o, Las-Veqasda (ABŞ) baş tutacaq “UFC 313” turnirində C.Qeyci ilə döyüşmək üçün avstraliyalı Den Hakeri əvəzləməyə hazır olduğunu açıqlayıb.
R.Fiziyev amerikalı idmançıya təkrar döyüş təklifi edib. Bir müddət əvvəl D.Hakerin döyüşdən geri çəkildiyi barədə xəbər yayılmışdı.
Qeyd edək ki, C.Qeyci və R.Fiziyev 2023-cü ilin martında “UFC 286” turnirində döyüşüblər. Görüş üç raunddan sonra hakimlərin yekdil qərarı ilə amerikalının qələbəsi ilə başa çatıb. Bu, azərbaycanlı idmançının UFC-də üçüncü məğlubiyyəti olub.
