Yenixeber.org:  Son on ildə cəmiyyətin bəzi təbəqələrinin iqtisadi çöküşü marginallaşmanın, narkomaniyanın, korrupsiyanın, böyük şəhərlərə miqrasiyanın artmasına və digər sosial zərərli nəticələrə gətirib çıxarıb.
“7-ci İnkişaf planında bu vəziyyəti təşkil edib ciddi məşğul olmasaq, tezliklə sosial sağlamlıq sahəsində ciddi böhranla üzləşəcəyik. Yeddinci İnkişaf planı qanun layihəsində sosial zərərlə bağlı müddəalar “Altıncı İnkişaf planı” qanunu ilə müqayisədə nəinki tam deyil, həm də onların keyfiyyəti aşağıdır. Belə ki, yeddinci planda sosial zərərin ödənilməsi və təqibi ilə bağlı müddəaların deqradasiyaya uğradığını söyləmək olar”, - Pirhadi deyib.
Bundan əvvəl İslam Şurasının Tədqiqat mərkəzi bu ilin iyun ayında 2011-2021-ci illər arasında İranın yoxsul əhalisinin təxminən 11 milyon artdığını açıqlamışdı.
“Məclis” araşdırma mərkəzinin hesabatında isə 2005-ci ildən başlayaraq İranda artan yoxsulluq səviyyəsi 2017-cim ildən bəri 30%-i keçib ki, bu da ölkə əhalisinin təqribən 1/3-nin yoxsulluq həddinin altında olması deməkdir.
“Yoxsulluq həddi” ev təsərrüfatlarının minimum zəruri ehtiyaclarını ödəyən gəlir səviyyəsidir. Yoxsulluq həddindən aşağı olan gəlir “mütləq yoxsulluq” adlanır ki, bu da ev təsərrüfatlarının və fərdlərin gündəlik kalorilər də hesablanmaqla, zəruri ehtiyaclarını ödəmək üçün minimum gəlirdən məhrum olması deməkdir.