AZ
RU
Talesiz ANALAR...
*****
Talesiz, analar yazıq ANALAR,
Hər dərdə möhnətə baş əyənsiniz.
Kaş sizi sevərlər, sizi qanarlar,
Susaraq, qəlbinə söz deyənsiniz!...
*****
Viranə qəlbinə heç hay verən yox,
Bu həyat biganə ömrünü çalır.
Halını hər zaman duyan, bilən yox,
Səni, səndən alıb xəyala salır...
*****
Oğullar bilmir ki, bəslədikləri,
Qoynunda qıvrılan *Şahmar* ilandı.
Öskürüb, asqırıb əsnədikləri,
Anlamır, bilmir ki, nəyə ziyandı...
*****
Bir ana ağlarsa, daşqın çay olar,
Önündə dayanmaz ağac, nə kötük.
Yazıqsan ay bala, halın vay olar,
Havalar dəyişər, qışda yay olar...
*****
Təbiət qəfildən təşvişə düşər,
Dönər əsən küləyə tufan yaradar,
Payızda övkədən qora da bişər,
İnsanın bu halı könül qanadar...
*****
Cənnətin qapısı açıq üzünə,
Anlaya, bilmirsən yaşama heç sən!
Gözlərin qapanıb, nəyin düzü NƏ!...
" Övladsan" bu adı daşıma heç sən!...
*****
Zamanla sən özün ahıllaşarsan,
Tabağda qaşığa əkdiyin düşər.
Yaş ötür düşünmə cahıllaşarsan,
Payına o yoldan çəkdiyin düşər...
*****
Bir ana gülərsə Allah xöş görər,
Səvabı cənnətdir, nədən olmasın.
Allahın əmrində olan hər qula,
Cənnətin payını sevərək bölər...
*****
Ayıl sən, ayıl sən ey Adəmoğlu,
Düşünmə, sağında duran mələkdir.
Bu dünya fanidir tutma ikiəlli.
Şeytansa günahı düzən ələklər...
Təranə Şəms
