"Xeberinfo.com": Qısa müddətdə İraqda həyata keçirdiyi terror əməliyyatları və qeyri-insanı qətilləri ilə dünyanı lərzəyə salan radikal-vəhabi “İraq Şam İslam Dövləti” (İŞİD) təşkilatının Türkiyədəki fəaliyyəti ilə bağlı maraqlı faktlar ortaya çıxmışdı. 

Məlumata görə, bu məlumatı isə “Habertürk” xəbər agentliyi araşadıraraq, ortaya çıxara bilmişdi. Aparılan jurnalist təhqiqatı zamanı bəlli olmuşdu ki, qruplaşma öz sıralarını məlumatsız, savadsız və maddi çətinliyi olanların sayəsində genişləndirir. Ən maraqlısı da budur ki, Türkiyənin ən böyük yaşayış məntəqəsi sayılan İstanbul İŞİD-ə silahlılar göndərən şəhərlərin siyahısında ön cərgədədir. İstanbulun Güngörən qəsəbəsi də bunlardan biridir. Bura İŞİD-in izlərinə rast gəlinən rayonlarındandır. 

“Habertürk” araşdırmışdı ki, Suriyaya kömək kampaniyası, narkotik vasitələrə qarşı mübarizə elanları ilə diqqəti çəkən Xəzinadar İslami Araşdırma Yaşatma və Yardımlaşma Dərnəyinin (HİSADER) tablosunda İŞİD-in simvolu yer alıb.