Bakıda nnövbəti dəfə sağlam ağaclar kəsildi.

Yenixeber.org: Redaksiyamıza daxil olan məlumata görə Nəsimi rayonu R.Behbudov küç. Ş.Abdullayev küçəsinin kəsişməsində 100-ə yaxın müxtəlif cinsli, iri diametirli yaşıl ağaclar xüsusi texniki vasitələrlə gecə saatlarında kəsilib,götürülüb.

Bakıda quru və qəzalı ağacların götürülməsinə və ya budanması işləri aparılması ilə bağlı məlumat vermişdik.Ekologiya və Təbii Sərvətlər Nazirliyinin Dövlət Ekoloji Ekspertiza Agentliyindən rəy alınaraq quru və qəzalı ağacaların budanması və kəsilməsi həyata keçirilir.

Məlumatına görə  mərkəzi küçə və prospektlərdə quru və xəstə ağacların götürülməsi, yerində yeni ağacların əkilməsi tapşırılsada bundan sui istifadə edirlər.

Nəsimi rayonu ərazisində ağaclar kəsilən ərazi Cahangir Hacıyevə məxsus olduğu bildirilir.Ağacları kəsdirən isə   “Şapka Mamed”dir. Aqrarkredit QSC-nin İdarə Heyətinin sədri, ASK-nın prezidenti Məmməd Musayevin adı mətbuatda qalmaqallarda hallanır.

Qeyd ediri ki,  Bakıda quru və qəzalı ağacların götürülməsinə və ya budanması işləri aparılması ilə bağlı əvvəlcədən sövdələşdikləri, obyekt, restoran, market qarşısında olan və gələcəkdə ayrı-ayrı sahibkarlar tərəfindən qeyri-yaşayış obyektinin tikintisi nəzərdə tutulmuş torpaq sahələrində yerləşən ağaclar davamlı olaraq kəsilir.

Görəsən Bakı Şəhər İcra Hakimiyyəti və Ekologiya Təbii Sərvətlər Nazirliyinin bu məsələdən xəbərdardırmı?

****

Məsələ ilə bağlı  Baki şəhər yaşıllaşdırma təsərrüfatı birliyi mütəxəssisləri tərəfindən 12 iyul 2024 ci il tarixində yerində əraziyə baxış keçirilmiş , ümumilikdə 33 ədəd ağacın qanunsuz olaraq kəsilməsi faktı aşkar edilmişdir. Materiallar toplanaraq aidiyyatı üzrə hüquq-mühafizə organlarına göndərilmişdir.(xalq.az)