AZ
RU
KİV: Rusiya Teleqramdakı bloklanmanı yumşaltmaq qərarına gəlib
Kreml Rusiya prezidenti Vladimir Putinin reytinqinin aşağı düşməsindən ehtiyat edərək internet məhdudiyyətlərinə yanaşmasını yenidən nəzərdən keçirir.
Yenixeberorg.com xəbər verir ki, bu barədə "Bloomberg" yazıb.
Agentliyin mənbələrinə görə, Federal Təhlükəsizlik Xidmətinin (FSB) daha sərt nəzarət üçün səyləri bəzi yüksək vəzifəli məmurları internetə girişin qadağan edilməsi ilə bağlı siyasi və iqtisadi risklər barədə xəbərdarlıq etməyə vadar edib.
Mənbə bildirib ki, bu, repressiv tədbirləri yavaşlada bilər və "Telegram"ın Rusiyada fəaliyyətini davam etdirməsinə imkan verə bilər.
Rusiya prezidentinin mətbuat katibi Dmitri Peskov "Bloomberg"in şərh istəyinə cavab verməyib.
"Forbes" nəşrinin mənbəyi iddia edir ki, hakimiyyət orqanları "Telegram"dakı bloklanmanı yumşaltmaq qərarına gəliblər.
Mənbənin sözlərinə görə, bu, ilin əvvəlindən vergi dəyişiklikləri, qiymətlərin artması və rabitə problemlərindən sonra yaranan gərginliyin azaldılmasına kömək edə bilər.
