AZ
RU
"Çubuq sizdədir, bəs top...?" -Hakan Fidandan ABŞ-yə CAVAB
Ötən gün Türkiyənin xarici işlər naziri Hakan Fidan ölkəsində səfərdə olan amerikalı həmkarı Antoni Blinkenlə görüşüb.
Yenixeber.org xəbər verir ki, görüş zamanı mətbuata verilən fotoda Blinkenin arxasındakı stolun üzərində ay-ulduzlu Məscidül-Əqsanı xatırladan fiqur diqqət çəkib.
Digər tərəfdən, ABŞ-nin Ankaradakı səfiri Ceff Flake də Hakan Fidanı ziyarət edib. Görüş zamanı çəkilən fotoda Fidanın masasının üzərindəki beyzbol topu böyük əks-səda doğurub.
Bunun ABŞ prezidenti Barak Obamanın beyzbol çubuğu ilə çəkilmiş fotosuna cavab olduğu bildirilib.
Xatırladaq ki, 2012-ci ildə o vaxtkı ABŞ prezidenti Barak Obama Rəcəb Tayyib Ərdoğanla telefon danışığı apararkən əlində beyzbol çubuğu ilə şəkil çəkdirmişdi. Bu kadr o vaxtlar çox danışılıb, müzakirə olunub. Aradan illər keçsə də, bu hadisə unudulmayıb.
11 il sonra Hakan Fidan Amerika səfirini qəbul edərkən, masasının üzərindəki beyzbol topu ilə ABŞ-yə açıq mesaj verib: "Çubuq sizdədir, bəs top kimdədir?".
