Kişi voleybolçular arasında Azərbaycan Yüksək Liqasının qalibi bu gün bəlli olacaq.

Yenixeberorg.com-un məlumatına görə, ilk olaraq üçüncü yer uğrunda qarşılaşma keçiriləcək.

Saat 13:00-da "Neftçi" və "Murov Az Terminal" komandaları üz-üzə gələcək.

Saat 16:00-da final qarşılaşması baş tutacaq. "Xilasedici" və "Ordu" münasibətlərə aydınlıq gətirəcəklər. Bütün görüşlər Gənclər və İdman Nazirliyinin Voleybol mərkəzində təşkil olunacaq.

UEFA Konfrans Liqasında 1/4 final mərhələsinin cavab qarşılaşmaları bu gün baş tutacaq.

Yenixeberorg.com-un məlumatına görə, bu matçlardan sonra yarımfinalçıların adlarına aydınlıq gələcək.

Niderlandın AZ klubu Ukrayna "Şaxtyor"unu qəbul edəcək. "Fiorentina" evdə "Kristal Pelas"ı, AEK "Rayo Valyekano"nu sınağa çəkəcək. "Maynts 05" isə Fransada "Strasburq"la üz-üzə gələcək.

UEFA Konfrans Liqası

1/4 final mərhələsi, cavab oyunları

16 aprel

20:45. AZ (Niderland) – "Şaxtyor" (Ukrayna)

İlk oyun 0:3

23:00. "Fiorentina" (İtaliya) – "Kristal Pelas" (İngiltərə)

İlk oyun – 0:3

23:00. AEK (Afina, Yunanıstan) – "Rayo Valyekano" (İspaniya)

İlk oyun – 0:3

23:00. "Strasburq" (Fransa) – "Maynts 05" (Almaniya)

İlk oyun – 0:2

"Araz Saatlı"nın rəsmisi "Göygöl" ilə matçdan sonra futbolçu və hakimləri təhdid etdiyinə görə 5 oyunluq cəzalandırılıb.

Yenixeberorg.com xəbər verir ki, bu barədə AFFA İntizam Komitəsinin iclasında qərar qəbul olunub.

II Liqanın XXII turunun "Araz Saatlı" – "Göygöl" oyununda hər iki komandanın 5 futbolçusu sarı vərəqə ilə cəzalandığı üçün klubların hər biri 70 manat cərimə edilib.

"Araz Saatlı"nın təhlükəsizlik üzrə meneceri Xəyal Məmmədov matç bitdikdən sonra rəqib oyunçuları və hakimləri təhqir, həmçinin təhdid etdiyinə görə 5 oyunluq cəzalandırılıb, klubu isə 1000 manat cərimə olunub. Həmçinin Saatlı təmsilçisinin futbolçusu Samir Məmmədov əvəzləndikdən sonra hakimləri təhqir etdiyi üçün 4 oyunluq kənarlaşdırılıb, komandası əlavə 1000 manat cərimələnib.

"Göygöl" komandasının nümayəndəsi isə matçöncəsi iclasda iştirak etmədiyi üçün klub 150 manat ziyana düşüb.

UEFA Çempionlar Liqasında bu gün yarımfinalın digər iki iştirakçısı müəyyənləşəcək.

Yenixeberorg.com-un məlumatına görə, buna 1/4 final mərhələsinin növbəti cavab qarşılşamalarından sonra aydınlıq gələcək.

"Arsenal" İngiltərədə "Sportinq" komandası ilə üz-üzə gələcək. "Real" isə Almaniyada "Bavariya"nın qonağı olacaq.

UEFA Çempionlar Liqası

1/4 final mərhələsi, cavab oyunları

15 aprel

23:00. "Arsenal" (İngiltərə) - "Sportinq" (Portuqaliya)

İlk oyun - 1:0

23:00. "Bavariya" (Almaniya) - "Real" (İspaniya)

İlk oyun - 1:2

Qeyd edək ki, artıq "Atletiko" (Madrid) və PSJ (Fransa) komandaları yarımfinala vəsiqəni təmin ediblər.

Azərbaycanın stolüstü tennisçiləri Türkiyə Super Liqasında çıxışlarını davam etdirirlər.

Yenixeberorg.com xəbər verir ki, millinin üzvləri Zemfira Mikayılova ilə Mərziyyə Nurmətova növbəti dəfə "Masader Spor Klubu" tərəfindən dəvət alıb.

İdmançılar yarışın ikinci turunun oyunlarında sözügedən komandanın uğurları üçün çalışacaqlar.

Qeyd edək ki, Ankara təmsilçisi Türkiyə çempionatının iddialı komandalarından sayılır. "Masader Spor Klubu" bu mövsüm də mükafatlar uğrunda mübarizə aparmaqdadır.

Stolüstü tennisçilərimizin Türkiyə Super Liqasında çıxış etməsi idmançıların oyun təcrübəsinin artırılması və qarşıdakı beynəlxalq yarışlara hazırlıq məqsədi daşıyır.

Misli Premyer Liqasında XVII tura bu gün start veriləcək.

Yenixeberorg.com-un məlumatına görə, ilk oyun günündə bir matç keçiriləcək.

Çempionatın autsayderi "Karvan-Yevlax" "Kəpəz"i qəbul edəcək.

Qarşılaşma Yevlax şəhər stadionunda, saat 15:30-da start götürəcək. Görüşün baş hakimi Nicat İsmayıllı olacaq.

"Karvan-Yevlax" 8 xalla 12-ci, Gəncə təmsilçisi 21 xalla 10-cu pillədə qərarlaşıb.

Xatırladaq ki, tura aprelin 12-də yekun vurulacaq.

UEFA Avropa Liqasının 1/4 final mərhələsində bu gün daha üç oyun keçiriləcək.

Yenixeberorg.com xəbər verir ki, Almaniyada "Frayburq" İspaniyanın "Selta" klubunu sınağa çəkəcək.

Portuqaliyanın "Portu" kollektivi İngiltərə təmsilçisi "Nottinqem Forest"lə qarşılaşacaq. İtaliyada isə "Bolonya" və İngiltərənin "Aston Villa" klubları münasibətlərinə aydınlıq gətirəcəklər.

UEFA Avropa Liqası

1/4 final mərhələsi, ilk oyunlar

9 aprel

23:00. "Portu" (Portuqaliya) - "Nottinqem Forest" (İngiltərə)

23:00. "Frayburq" (Almaniya) - "Selta" (İspaniya)

23:00. "Bolonya" (İtaliya) - "Aston Villa" (İngiltərə)

Qeyd edək ki, ötən gün Portuqaliyanın "Braqa" komandası evdə "Betis"lə (İspaniya) heç-heçə edib - 1:1.

UEFA Avropa Liqasında 1/4 final mərhələsinə bu gün start veriləcək.

Yenixeberorg.com xəbər verir ki, ilk oyun günündə bir matç baş tutacaq.

İspaniya təmsilçisi "Betis" Portuqaliyada "Braqa"nın qonağı olacaq. Qarşılaşma "Estadio Municipal de Braga"da, Bakı vaxtı ilə saat 20:45-də start götürəcək.

Xatırladaq ki, raundun digər qarşılaşmaları aprelin 9-da keçiriləcək.

AFFA-nın balansında olan stadionların, milli komandaların məşq mərkəzinin və digər stadionların, məşq meydançalarının saxlanılmasına və yenidən bərpasına ayrılan vəsaitlər bəlli olub.

Yenixeberorg.com xəbər verir ki, bu barədə milli assosiasiyanın hesabatında bildirilib.

Ümumi məbləğ 4 milyon 254 min 477 manat təşkil edib.

"Dalğa Arena" üçün 1 milyon 738 min 10 manat, Ağsu stadionuna 833 min 788 manat, Binə stadionuna 791 min 181 manat, "ASCO Arena"ya 328 min 477 manat, Milli Komandaların Məşq Mərkəzinə 303 min 42 manat, Şamaxı stadionuna 213 min 379 manat, Təhsil və reabilitasiya mərkəzinə 46 min 600 manat vəsait ayrılıb.